Union Budget | న్యూఢిల్లీ: కేంద్ర ప్రభుత్వం తాజాగా ప్రవేశపెట్టిన బడ్జెట్లో కేటాయింపులపై విపక్ష పార్టీల విమర్శల దాడి కొనసాగింది. బడ్జెట్పై చర్చలో భాగంగా గురువారం లోక్సభలో కాంగ్రెస్ ఎంపీ శశికాంత్ సెంథిల్ మాట్లాడుతూ 2024-25 బడ్జెట్ను చూస్తుంటే ఎన్డీయేలోని మిత్రపక్ష పార్టీలకు బీజేపీ రాసిన కృతజ్ఞత లేఖ, ప్రేమ లేఖగా అనిపిస్తున్నదని అన్నారు.
ప్రభుత్వాన్ని కాపాడుకొనేందుకు ప్రవేశపెట్టిన బడ్జెట్ ఇది అని ఎంపీ చరణ్జిత్ సింగ్ చన్ని ఎద్దేవా చేశారు. అటు రాజ్యసభలో ఆప్ ఎంపీ రాఘవ్ చద్దా మాట్లాడుతూ పాత ప్రాపర్టీల అమ్మకాలపై ఇండెక్సేషన్ లబ్ధిని తొలగించాలన్న కేంద్రం నిర్ణయం వల్ల రియల్ ఎస్టేట్ రంగంలో పెట్టుబడులు తగ్గిపోతాయని ఆందోళన వ్యక్తం చేశారు.