న్యూఢిల్లీ, మే 28: లోక్సభ ఎన్నికల ప్రచార పర్వం ముగిసిన తర్వాత ప్రధాని మోదీ రెండు రోజుల పాటు ఆధ్యాత్మిక కార్యక్రమంలో నిమగ్నం కానున్నారు. అందులో భాగంగా ఆయన తమిళనాడులోని కన్యాకుమారి చేరుకుని వివేకానంద రాక్ మెమోరియల్లో జూన్ 1వ తేదీ వరకు ధ్యానంలో గడుపుతారు.
జూన్ 4న ఎన్నికల ఫలితాలు వెలువడనున్న క్రమంలో అప్పటివరకు ప్రశాంతంగా గడపాలని మోదీ యోచిస్తున్నారు. మే 30 నుంచి జూన్ 1వ తేదీ వరకు కన్యాకుమారి ధ్యాన మండపంలో గడుపుతారని అధికార వర్గాలు తెలిపాయి. గతంలోనూ ఎన్నికల ప్రచారం ముగియగానే ప్రధాని ఆధ్యాత్మిక యాత్రలు చేశారు. 2014లో శివాజీ పత్రగర్, 2019లో కేదార్నాథ్లను సందర్శించారు.