Hooch Tragedy | తమిళనాడులోని కళ్లకురిచి కల్తీ సారా ఘటనలో చికిత్స పొందుతున్న బాదితులను ఎంఎన్ఎం పార్టీ చీఫ్ కమల్ హాసన్ ఆదివారం ప్రభుత్వ ఆస్పత్రిలో పరామర్శించారు. మద్యం, నాటుసారా సేవించే వారికి ప్రభుత్వం కౌన్సెలింగ్ ఇచ్చేందుకు సైకియాట్రిక్ సెంటర్లను ఏర్పాటు చేయాలని కోరారు.
అతిగా మద్యం సేవించడం తగదని, దీని దుష్ప్రభావాలను ప్రజలు అర్ధం చేసుకోవాలని సూచించారు. చక్కెర లేదా ఏ రూపంలోనైనా అధిక మోతాదు అనేది ఆరోగ్యానికి మంచిది కాదనేది అందరూ గ్రహించాలని కోరారు.
మోతాదు మించి సారా, మద్యం తీసుకోవడం వల్లే ఇలాంటి ఘటనలు చోటుచేసుకుంటాయనేది గుర్తెరగాలని అన్నారు. కాగా 40 మందికి పైగా మరణించిన నాటు సారా ఘటనపై రాష్ట్ర ప్రభుత్వం దర్యాప్తునకు ఆదేశించింది.
Read More :