CM Stalin | చెన్నై, జూలై 24: కేంద్ర బడ్జెట్లో విపక్ష పార్టీలు పాలిస్తున్న రాష్ర్టాలకు ప్రాధాన్యత దక్కకపోవడంపై తమిళనాడు ముఖ్యమంత్రి ఎంకే స్టాలిన్ తీవ్ర ఆగ్రహం వ్యక్తం చేశారు. ఈ మేరకు ప్రధానమంత్రి నరేంద్ర మోదీని ఉద్దేశిస్తూ ఆయన బుధవారం ‘ఎక్స్’లో పోస్ట్ చేశారు.
‘ఎన్నికలు అయిపోయాయి. ఇప్పుడు మనం దేశం గురించి ఆలోచించాలి. 2024 బడ్జెట్ మీ ప్రభుత్వాన్ని కాపాడవచ్చు. కానీ, ఈ దేశాన్ని మాత్రం కాపాడదు. ప్రభుత్వాన్ని నిష్పక్షపాతంగా నడిపించండి. మిమ్మల్ని ఓడించిన వారి పట్ల ఇంకా ప్రతీకారం తీర్చుకోకండి. మీ రాజకీయ ఇష్టాయిష్టాల ప్రకారం పాలన చేస్తే మీరు ఒంటరిగా మిగులుతారు’ అంటూ స్టాలిన్ వ్యాఖ్యానించారు. కేంద్ర బడ్జెట్లో తమిళనాడుకు కేటాయింపులు లేకపోవడంపై డీఎంకే ఎంపీలు బుధవారం పార్లమెంటు ప్రాంగణంలో నిరసన తెలియజేశారు.