ముంబై: మహారాష్ట్ర ఉప ముఖ్యమంత్రి, బీజేపీ నాయకుడు దేవేంద్ర ఫడ్నవీస్పై మరాఠా రిజర్వేషన్ ఉద్యమకారుడు మనోజ్ జరాంగే సంచలన ఆరోపణ చేశారు. తనను చంపేందుకు ఫడ్నవీస్ ప్రయత్నిస్తున్నారని చెప్పారు. తాను ముంబై వెళ్లి, ఫడ్నవీస్ నివాసం వద్ద ధర్నా చేస్తానని హెచ్చరించారు. జల్నాలోని అంతర్వాలి సరటిలో జరిగిన కార్యక్రమంలో దాదాపు ఓ గంటసేపు ప్రసంగించిన ఆయన చివరిలో ఈ ఆరోపణలు చేసేసరికి ఆయన మద్దతుదారులు అవాక్కయ్యారు. జరాంగే ఆరోపణలపై సీఎం ఏక్నాథ్షిండే స్పందించారు. తమ సహనాన్ని పరీక్షించొద్దని జరాంగేను హెచ్చరించారు.