Manish Sisodia | ఆమ్ ఆద్మీ పార్టీ సీనియర్ నేత, ఢిల్లీ మాజీ ఉప ముఖ్యమంత్రి మనీష్ సిసోడియాకు దాదాపు ఏడాది తర్వాత ఊరట కలిగింది. మూడు రోజుల పాటు జైలు నుంచి బయటకు రానున్నారు. మేనకోడలి పెళ్లికి హాజరయ్యేందుకు ఢిల్లీలోని రౌస్ అవెన్యూ కోర్టు ఆయనకు బెయిల్ను ఇచ్చింది. వివాహ వేడుకకు హాజరయ్యేందుకు లక్నో వెళ్లాల్సి ఉండగా.. ఈ నెల 13 నుంచి 15 వరకు బెయిల్ను మంజూరు చేసింది. అయితే, బెయిల్ పిటిషన్పై వ్యతిరేకంగా వాదనలు వినిపించినా.. కోర్టు బెయిల్ను ఇచ్చింది.
ఇంతకు ముందు ఆయనకు వారాని ఒకరోజు అనారోగ్యంతో బాధపడుతున్న భార్యను కలిసేందుకు అవకాశం కల్పించింది. ఆయన భార్య సీమా సిసోడియా గత 23 సంవత్సరాలుగా న్యూరో సంబంధిత వ్యాధి మల్టిపుల్ స్ల్కెరోసిస్తో బాధపడుతున్నారు. ఇది ఆటో ఇమ్యూన్ వ్యాధి. దాంతో క్రమంగా శరీరంపై నియంత్రణ కోల్పోతుంది. మనీష్ సిసోడియా అరెస్టు తర్వాత సీమా సిసోడియా ఇంట్లో ఒంటరిగా ఉండడం, ఒత్తిడి కారణంగా ఆమె ఆరోగ్యం దెబ్బతిన్నది. ఢిల్లీ మద్యం పాలసీ కేసులో మనీష్ సిసోడియాను ఫిబ్రవరి 26న సీబీఐ అరెస్టు చేసింది. అప్పటి నుంచి ఆయన జ్యుడీషియల్ కస్టడీలోనే ఉన్నారు. ఆ తర్వాత సీబీఐ ఎఫ్ఐఆర్పై ఈడీ మార్చి 9న మనీలాండరింగ్ కేసులో అరెస్టు చేసింది. ఫిబ్రవరి 28న ఆయన మంత్రి పదవికి రాజీనామా చేశారు.