భోపాల్: ఒక వ్యక్తి తన ప్రియురాలితో కలిసి ప్రేమిస్తున్న మహిళను హత్య చేశాడు. అనంతరం వేరే రాష్ట్రానికి పారిపోయాడు. యువతి మిస్సింగ్ కేసుపై పోలీసులు దర్యాప్తు చేశారు. ట్రయాంగిల్ లవ్ ట్విస్ట్ను ఛేదించారు. ఆ వ్యక్తి, అతడి ప్రియురాలిని అరెస్ట్ చేశారు. (Man, Girlfriend Kills Woma) మధ్యప్రదేశ్లోని ఇండోర్ జిల్లాలో ఈ సంఘటన జరిగింది. ఏప్రిల్ 26న 21 ఏళ్ల సారా సయ్యద్ అదృశ్యమైంది. ఆమె కుటుంబం ఫిర్యాదుతో పోలీసులు దర్యాప్తు చేపట్టారు. బీ ఫార్మసీ విద్యార్థి అయిన 23 ఏళ్ల గౌరవ్ సర్కార్తో కలిసి సారా చివరిసారి కనిపించినట్లు గుర్తించారు. ఆమె గురించి అతడ్ని ప్రశ్నించారు. అయితే తనకేమీ తెలియదని బుకాయించాడు.
కాగా, గోనె సంచిలో కుక్కి పడేసిన సారా మృతదేహాన్ని పోలీసులు గుర్తించారు. ఆమె హత్యపై దర్యాప్తు చేశారు. సారాపై గౌరవ్ సర్కార్ మనసుపడినట్లు పోలీసులు తెలుసుకున్నారు. అయితే మరో వ్యక్తిని ఆమె ప్రేమించడంతో ప్రియురాలైన 18 ఏళ్ల స్నిగ్ధా మిశ్రా, గౌరవ్ కలిసి సారాను హత్య చేసినట్లు దర్యాప్తులో తేలింది.
మరోవైపు గౌరవ్, స్నిగ్ధా కలిసి హర్సోలా ఫాటాలోని నిర్జన ప్రదేశంలో సారాను హత్య చేశారని పోలీసులు తెలిపారు. ఆమె గొంతు కోసి చంపారని, మృతదేహాన్ని గోనె సంచిలో ఉంచి చెట్లపొదల్లో పడేశారని చెప్పారు. మహారాష్ట్రలోని నాసిక్ పారిపోయిన గౌరవ్ ఒక హోటల్లో వెయిటర్గా పనిచేస్తున్నట్లు సమాచారం అందిందని వివరించారు. దీంతో గౌరవ్, అతడి ప్రియురాలైన స్నిగ్ధాను అరెస్ట్ చేసినట్లు పోలీసులు వెల్లడించారు. మరింతగా దర్యాప్తు చేస్తున్నట్లు పేర్కొన్నారు.