అకోలా: మరాఠా కోటా ప్రకటించే వరకు తమ గ్రామంలోకి అడుగుపెట్టరాదని రాజకీయ నేతలపై మహారాష్ట్రలోని అకోలా జిల్లా చరణ్గావ్ గ్రామస్థులు నిషేధం విధించారు. తమకు విద్యా ఉద్యోగాల్లో రిజర్వేషన్లు కల్పించాలని ఉద్యమిస్తున్నా ప్రభుత్వం పట్టించుకోవడం లేదని గ్రామస్థులు ఆవేదన వ్యక్తం చేశారు. అందుకే రాజకీయ నాయకులు అడుగుపెట్టకుండా నిషేధం విధిస్తూ ఫ్లెక్సీలు ఏర్పాటు చేశామన్నారు. ఇలా నిషేధం విధించిన తొలి గ్రామం చరణ్గావ్ అని, రానున్న రోజుల్లో మరిన్ని గ్రామాలు కూడా ఈ జాబితాలో చేరుతాయన్నారు.