ముంబై: మహారాష్ట్ర డిప్యూటీ సీఎంలు అజిత్ పవార్, దేవేంద్ర ఫడ్నవీస్ ఇద్దరూ తృటిలో పెను ప్రమాదం నుంచి తప్పించుకున్నారు. బుధవారం ఓ కార్యక్రమంలో పాల్గొనేందుకు నాగపూర్ నుంచి గడ్చిరోలి వెళుతుండగా.. వారు ప్రయాణిస్తున్న హెలికాప్టర్ ప్రతికూల వాతావరణంలో చిక్కుకొని దారి తప్పింది. పైలట్ చాకచక్యంగా వ్యవహరించడంతో హెలికాప్టర్ సురక్షితంగా ల్యాండ్ అయ్యింది. హెలికాప్టర్లో వారితో పాటు రాష్ట్ర మంత్రి ఉదయ్ సామంత్ కూడా ఉన్నారు. ‘రుతు పవన మేఘాలు ఒక్కసారిగా కమ్ముకోవడంతో హెలికాప్టర్ దారి తప్పింది. ఆ సమయంలో నేనెంతో భయపడ్డా’నని అజిత్ పవార్ అన్నారు.