భోపాల్: చాకొలెట్లో నాలుగు కృత్రిమ దంతాలు కనిపించడంతో మాయా దేవి గుప్తా అవాక్కయ్యారు. ఆమె మధ్య ప్రదేశ్లోని ఖర్గోన్లో స్కూల్ ప్రిన్సిపాల్గా పనిచేసి, పదవీ విరమణ చేశారు. అనంతరం ఓ సంస్థలో స్వచ్ఛందంగా టీచర్గా పనిచేస్తున్నారు.
ఆ సంస్థలోని ఓ బాలునికి పుట్టిన రోజు సందర్భంగా తనకు ఓ చాకొలెట్ ఇచ్చారు. కొన్ని రోజుల తర్వాత ఆమె దానిని తిన్నారు. పాపులర్ బ్రాండ్కు చెందిన ఆ చాకొలెట్లో 4 కృత్రిమ పళ్లు ఉండటంతో, జిల్లా ఆహార భద్రత, ఔషధాల నియంత్రణ శాఖకు ఫిర్యాదు చేశారు. ఆ చాకొలెట్ను అమ్మిన దుకాణంలో శాంపుల్స్ను తీసుకుని, పరీక్షల కోసం పంపినట్లు అధికారులు తెలిపారు.