భోపాల్, జూలై 18: బీజేపీ అధికారంలో ఉన్న మధ్యప్రదేశ్ ప్రభుత్వం కీలక నిర్ణయం తీసుకున్నది. తమ రాష్ట్ర పరిధిలో సీబీఐ ఏదైనా కేసును దర్యాప్తు చేయాలనుకుంటే ముందుగా తమ నుంచి రాతపూర్వక అనుమతి తీసుకోవాలని స్పష్టం చేసింది. ప్రభుత్వం మంగళవారం ఒక నోటిఫికేషన్ను జారీ చేసింది. ఈ ఉత్తర్వులు జూలై 1 నుంచి అమలులోకి వచ్చినట్టు పేర్కొంది.
ఇంతవరకు విపక్షాలు అధికారంలో ఉన్న బెంగాల్, తమిళనాడు, పంజాబ్, కేరళ, తెలంగాణ రాష్ర్టాలు మాత్రమే తమ రాష్ర్టాల్లో కేసుల దర్యాప్తునకు తమ అనుమతి తీసుకోవాలంటూ ఆంక్షలు విధించగా, ఇప్పుడు బీజేపీ అధికారంలో ఉన్న మధ్యప్రదేశ్ ఈ తరహా ఉత్తర్వులు జారీ చేయడం గమనార్హం. కొత్త న్యాయ చట్టాల ప్రకారం ఈ అనుమతి అవసరం.