Private Schools | జబల్పూర్: ఏళ్ల తరబడి విద్యార్థుల నుంచి అధికంగా వసూలు చేసిన ఫీజును వారికి తిరిగి ఇచ్చేయాలని మధ్యప్రదేశ్లోని జబల్పూర్ జిల్లా అధికారులు 10 ప్రైవేట్ విద్యా సంస్థలను ఆదేశించారు.
చట్టాన్ని ఉల్లంఘించి కొన్ని ప్రైవేట్ విద్యా సంస్థలు మొత్తం ఏడు విద్యా సంవత్సరాలలో 81 వేల మంది విద్యార్థుల నుంచి 65 కోట్ల రూపాయలు అదనంగా ఫీజుల రూపంలో వసూలు చేశాయని జబల్పూర్ డీఈఓ ఘనశ్యామ్ సోని తెలిపారు. వీటిని ఆయా స్కూళ్లు విద్యార్థులకు తిరిగి ఇచ్చేయాలని ఆదేశాలు జారీ చేశారు. అధిక ఫీజుల వసూలుపై జిల్లా స్థాయి కమిటీ విద్యాసంస్థల లెక్కలను పరిశీలించింది.