న్యూఢిల్లీ: కొవిడ్ తర్వాత చాలామందిలో శ్వాస సంబంధ సమస్యలు తలెత్తుతున్నాయి. ఊపిరితిత్తుల సామర్థ్యం తగ్గిపోయింది. అయితే, ఇలాంటి వారు శ్వాస సంబంధ వ్యాయామాలు క్రమం తప్పకుండా చేస్తే ఫలితం ఉంటుందని నిపుణులు చెబుతున్నారు. శ్వాసను మెరుగుపర్చుకుంటే ఊపిరితిత్తుల సామర్థ్యంతోపాటు శరీరంలో ఆక్సిజన్ స్థాయిలు కూడా పెరుగుతాయని సూచించారు. ఊపిరితిత్తులు ఎంత గాలిని పట్టి ఉంచుకోగలవో దానినే ఊపిరితిత్తుల సామర్థ్యం అని పిలుస్తారు. మెరుగైన శ్వాస వల్ల శ్వాసకోశ ఆరోగ్యంతోపాటు శారీరక దారుఢ్యంకూడా పెరుగుతుందని నిపుణులు తెలిపారు.