రాంచీ, ఏప్రిల్ 21: భగవాన్ శ్రీరాముడు అందరివాడని, ఆయన కేవలం హిందువులకు మాత్రమే దేవుడు కాదని నేషనల్ కాన్ఫరెన్స్ అధ్యక్షుడు ఫరూక్ అబ్దుల్లా అన్నారు. రాంచీలో ఆదివారం ఇండియా కూటమి ఆధ్వర్యంలో జరిగిన మహా ర్యాలీలో ఆయన ప్రసంగిస్తూ ‘వారు రాముడిని అమ్మేస్తున్నారు.
వారే అతడిని తీసుకు వచ్చినట్టు చెబుతున్నారు. వాస్తవానికి రాముడి గురించి వారికేం తెలియదు. ఆయన కేవలం హిందువులకే కాదు.. ప్రపంచమంతటికీ చెందిన భగవానుడు.’ అని పరోక్షంగా బీజేపీని ఉద్దేశించి విమర్శలు చేశారు.