న్యూఢిల్లీ, జనవరి 4: ఢిల్లీలోని ప్రభుత్వ మొహల్లా క్లినిక్కుల్లో నకిలీ టెస్టుల ఆరోపణలపై లెఫ్టినెంట్ గవర్నర్ వీకే సక్సేనా గురువారం సీబీఐ విచారణకు ఆదేశించారు. ఢిల్లీ ప్రభుత్వ దవాఖానలకు నాణ్యత లేని మందులు సరఫరా చేశారన్న ఆరోపణలు వచ్చిన కొద్ది రోజులకే ఈ విచారణకు ఆదేశించడం గమనార్హం.
‘వైద్యులు మొహల్లా క్లినిక్కులకు రాకపోయినా హాజరైనట్టు, మందులు, టెస్టులు రాసినట్టు చూపించారు. కానీ నకిలీ రోగులకు ఈ టెస్టులు చేసినట్టు గుర్తించారు. దీంతో సీబీఐ దర్యాప్తునకు ఎల్జీ ఆదేశాలిచ్చారు’ అని రాజ్నివాస్ వర్గాలు తెలిపాయి. దీనిపై ఆమ్ ఆద్మీ పార్టీ వెంటనే స్పందించలేదు.