Divorce | న్యూఢిల్లీ: కువైట్లో నవ దంపతులు రికార్డు సృష్టించారు. వీరిద్దరూ భార్యాభర్తలు అని కోర్టులో జడ్జి ప్రకటించిన మూడు నిమిషాల్లోనే విడాకులు తీసుకున్నారు. 2019లో జరిగి న ఈ వివాహం, విడాకులు ఇప్పుడు సామాజిక మాధ్యమాల్లో వైరల్ అవుతున్నాయి. మీడియా కథనాల ప్రకా రం, యువతి, యువకుడు కోర్టులో వివాహ రిజిస్ట్రేషన్ కోసం వెళ్లారు. జడ్జి నిబంధనల ప్రకారం ఆ కార్యక్రమాన్ని పూర్తి చేశారు.
వీరిద్దరూ భార్యాభర్తలని ప్రకటించారు. అనంతరం ఇరువురు కలిసి కోర్టు నుంచి బయటకు వెళ్తుండగా, యువతి కాలు జారి పడిపోయింది. ఆ యువకుడు ఆమెను ‘స్టుపిడ్’ అన్నాడు. దీంతో తీవ్ర ఆగ్రహానికి గురైన యువతి వెంటనే జడ్జి వద్దకు వెళ్లి, తమ వివాహాన్ని తక్షణమే రద్దు చేయాలని కోరింది. జడ్జి అందుకు అంగీకరించి, వీరి వివాహాన్ని రద్దు చేశారు.