న్యూఢిల్లీ, జూలై 24: కేంద్రం మంగళవారం ప్రవేశపెట్టిన కేంద్ర బడ్జెట్పై బుధవారం రాజ్యసభలో వాడీవేడి చర్చ జరిగింది. ఈ సందర్భంగా కాంగ్రెస్ అధ్యక్షుడు మల్లికార్జున ఖర్గే చేసిన సంబోధనపై చైర్మన్ చేసిన వ్యాఖ్యలతో సభలో నవ్వులు వెల్లివిరిసాయి.
బడ్జెట్లో బీహార్, ఏపీలకే నిధులిచ్చారే తప్ప, మిగతా రాష్ర్టాలనేమాత్రం పట్టించుకోలేదని ఖర్గే విమర్శించగా, దీనిపై కేంద్ర ఆర్థిక మంత్రి నిర్మలా సీతారామన్ స్పందిస్తారని రాజ్యసభ చైర్మన్ జగదీప్ ధన్కర్ అన్నారు. అయితే దీనిపై ఖర్గే ‘మొదట దీనిని పూర్తి చేయనివ్వండి.
నాకు తెలుసు మాతాజీ (అమ్మ) మాట్లాడటంలో ఎంతో నిపుణురాలు అని’ అన్నారు. దానికి జగదీప్ స్పందిస్తూ ‘ఆమె మాతాజీ కాదు. నీ కూతురు లాంటిది’ అంటూ ఛలోక్తి విసరడంతో సభలో అందరూ నవ్వారు.