Nipah Virus | తిరువనంతపురం: కరోనా వైరస్ కన్నా చాలా ప్రమాదకరమైందిగా భావిస్తున్న ‘నిఫా వైరస్’ కేరళలో పంజా విసురుతున్నది. వైరస్ బారినపడి వెంటిలేటర్పై ఉన్న 14 ఏండ్ల బాలుడు కోజికోడ్లో గుండె పోటుతో మరణించాడని కేరళ ఆరోగ్యమంత్రి వీణా జార్జ్ ఆదివారం ప్రకటించారు. ప్రభుత్వ అధికారులు మలప్పురం జిల్లా అంతటా హై-అలర్ట్ ప్రకటించారు. బాలుడితో కాంటాక్ట్ అయిన 240 మందిని క్వారంటైన్లో ఉంచినట్టు తెలిసింది. వైరస్ వ్యాప్తి ప్రభావిత గ్రామాల్లో లాక్డౌన్ విధించారు. ప్రజలంతా తప్పనిసరిగా మాస్క్లు ధరించాలని మంత్రి సూచించారు. బాలుడితో కాంటాక్ట్ ఉన్న వారిలో 60 మందిని హై-రిస్క్ క్యాటగిరీగా గుర్తించిన జిల్లా అధికారులు తగిన చర్యలు చేపట్టినట్టు తెలిపారు.
నిఫా వైరస్ను ఎదుర్కొనే యాంటీ వైరల్ వైద్య చికిత్స ఏదీ ఇప్పటివరకూ లేదు. వైరస్ సోకిన రోగిని ఐసొలేషన్లో ఉంచుతూ, రోగ లక్షణాలను అనుసరించి వైద్య చికిత్స అందిస్తుంటారు.