న్యూఢిల్లీ, జూలై 12: ఢిల్లీ మద్యం పాలసీకి సంబంధించిన మనీ లాండరింగ్ కేసులో ఢిల్లీ సీఎం కేజ్రీవాల్కు సుప్రీంకోర్టు శుక్రవారం మధ్యంతర బెయిల్ మంజూరు చేసింది. అయితే అవినీతి ఆరోపణల కేసులో కస్టడీ పొడిగింపు వల్ల ఇంకా ఆయన జైల్లోనే ఉండాల్సి వచ్చింది. ఈ నేపథ్యంలో సీఎంగా కొనసాగాలా, వద్దా అనే విషయాన్ని కేజ్రీవాల్కే వదిలిపెడుతున్నామని కోర్టు తెలిపింది.
మూడు నెలలకు పైగా ఆయన జైలు జీవితంతో ఇబ్బందులు పడుతున్న విషయం తమకు తెలుసని చెప్పింది. ఆయన అరెస్ట్ చట్టబద్ధతపై తలెత్తిన ప్రశ్నల విచారణను విస్తృత ధర్మాసనానికి సిఫారసు చేస్తున్నామంది. కాగా, అవినీతి ఆరోపణల కేసులో ఢిల్లీ కోర్టు ఈ నెల 25 వరకు కేజ్రీవాల్ కస్టడీని పొడిగించింది.