KC Venugopal : మహారాష్ట్ర అసెంబ్లీ ఎన్నికల్లో ప్రస్తుత అవినీతి సర్కార్ను ప్రజలు సాగనంపుతారని కాంగ్రెస్ ప్రధాన కార్యదర్శి కేసీ వేణుగోపాల్ అన్నారు. ఎంవీఏ సర్కార్కు రానున్న అసెంబ్లీ ఎన్నికల్లో మహారాష్ట్ర ప్రజలు పట్టం కడతారని, అవినీతి కాషాయ సర్కార్ను మట్టికరిపించేందుకు తాము దృఢ నిశ్చయంతో పనిచేస్తామని చెప్పారు.
తాము కలిసికట్టుగా పోరాడుతూ ప్రజల గొంతుకను వినిపిస్తామని అన్నారు. పార్టీ పటిష్టత కోసం ఈరోజు జరిగిన సమావేశంలో కాంగ్రెస్ నేతలందరూ సుహృద్భావ వాతావరణంలో చర్చించారని తెలిపారు. ఎన్నికల సన్నద్ధత కోసం జరిగిన భేటీలో మహారాష్ట్రలో అవినీతి సర్కార్ను పారద్రోలేందుకు పార్టీ శ్రేణుల్లో ఎన్నడూలేని ఉత్సాహం కనిపించిందని తెలిపారు.
మహారాష్ట్రలో ఎంవీఏ సర్కార్ కొలువుతీరడం ఖాయమని ఆయన విశ్వాసం వ్యక్తం చేశారు. కాంగ్రెస్ పార్టీని పటిష్టం చేసి ప్రజా సమస్యలపై పోరాటం తీవ్రతరం చేస్తామని చెప్పారు. ఏక్నాథ్ షిండే సర్కార్ సహజసిద్ధమైన ప్రభుత్వం కాదని, రానున్న ఎన్నికల్లో షిండే సర్కార్కు నూకలు చెల్లుతాయని, ఎంవీఏ ప్రభుత్వ ఏర్పాటుకు మార్గం సుగమం అవుతుందని కేసీ వేణుగోపాల్ విశ్వాసం వ్యక్తం చేశారు.
Read More :
DK Shivakumar | అవినీతిలో కాషాయ పాలకులదే అగ్రస్ధానం : డీకే శివకుమార్