బెంగళూర్ : రైతు ఆత్మహత్యలపై (Farmers Suicides) కర్నాటక మార్కెటింగ్ శాఖ మంత్రి శివానంద్ పాటిల్ వివాదాస్పద వ్యాఖ్యలు చేశారు. రైతు మరణిస్తే వారి కుటుంబాలకు చెల్లించే పరిహారాన్ని రూ. 5 లక్షలకు పెంచిన తర్వాత రాష్ట్రంలో రైతుల ఆత్మహత్యలు పెరిగాయని పాటిల్ పేర్కొన్నారు. హవేరిలో జరిగిన విలేకరుల సమావేశంలో మంత్రి మాట్లాడుతూ పంట నష్టాలు, అప్పులు తీర్చలేక బలవన్మరణాలకు పాల్పడిన రైతుల కుటుంబ సభ్యులు ఈ పరిహారాన్ని పొందుతున్నాయని చెప్పుకొచ్చారు.
ఇలాంటి పరిహారం బాధిత రైతు కుటుంబాలకు అందించనిపక్షంలో వారు వేరే మార్గాలను ఎంచుకుంటారని అన్నారు. 2015కు ముందు పరిహారం తక్కువగా ఉన్న క్రమంలో రైతుల ఆత్మహత్యల కేసులు కూడా తక్కువగా ఉన్నాయని చెప్పారు. బాధిత కుటుంబాలు తగినంత పరిహారం పొందలేని కారణంగానే అప్పట్లో ఆత్మహత్యలు తక్కువగా నమోదయ్యాయని పాటిల్ వ్యాఖ్యానించారు.
2015 తర్వాత తాము పరిహారాన్ని పెంచినప్పటి నుంచి రైతు ఆత్మహత్యల కేసులు అధికంగా వెలుగుచూస్తున్నాయని పేర్కొన్నారు. కొన్ని కేసుల్లో సహజ మరణాలను కూడా ఆర్ధిక సాయం కోసం కొందరు ఆత్మహత్యలుగా చూపుతున్నారని, పరిహారం పొందడం కోసం ఇలా చేయడం సహజమేనని మంత్రి చెప్పారు.
Read More :