Bomb Threat Email : రామేశ్వరం కేఫ్లో ఇటీవలి పేలుడుతో బెంగళూర్ నగరం ఉలిక్కిపడగా తాజాగా ఓ వ్యక్తి నుంచి కర్నాటక ప్రభుత్వానికి సోమవారం బెదిరింపు ఈమెయిల్ రావడం కలకలం రేపింది. బెంగళూర్లో శనివారం పేలుడు జరుగుతుందని మెయిల్ పంపిన వ్యక్తి బెదిరించాడు. సీఎం సిద్ధరామయ్య, డిప్యూటీ సీఎం డీకే శివకుమార్, హోంమంత్రి, బెంగళూర్ పోలీస్ కమిషనర్లను ఉద్దేశించి అజ్ఞాత వ్యక్తి ఈ మెయిల్ పంపాడు.
ఈ-మెయిల్ పంపిన వ్యక్తిని షాహిద్ ఖాన్గా గుర్తించారు. ఈమెయిల్లో పేర్కొన్న వివరాల ప్రకారం రెస్టారెంట్లు, ఆలయాలు, బస్సులు, రైళ్లు వంటి రద్దీ ప్రదేశాల్లో పేలుడు జరుగుతుందని స్పష్టం చేశారు.
బహిరంగ కార్యక్రమాల్లో బాంబులను కూడా అమరుస్తామని మెయిల్ పంపిన వ్యక్తి హెచ్చరించాడు. పేలుడుకు పాల్పడకుండా ఉండేందుకు తమకు రూ. 20 కోట్లుపైగా చెల్లించాలని నేరగాళ్లు డిమాండ్ చేసినట్టు మెయిల్ హెచ్చరించింది. కాగా ఈ వ్యవహారంపై సుమోటోగా కేసు నమోదు చేసిన పోలీసులు దర్యాప్తు ముమ్మరం చేశారు.
Read More :