బెంగళూరు: కర్ణాటకలో నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్)ను రద్దు చేసేందుకు ఉద్దేశించిన బిల్లుకు రాష్ట్ర క్యాబినెట్ సోమవారం ఆమోదం తెలిపింది. నీట్కు బదులుగా వేరొక మెడికల్ ఎంట్రన్స్ టెస్ట్ను నిర్వహించాలని, లేదంటే, దీనిని రాష్ట్రంలోని కామన్ ఎంట్రన్స్ టెస్ట్తో కలపాలని ఈ బిల్లు ప్రతిపాదించింది.
పన్నెండో తరగతిలో వచ్చిన మార్కుల ఆధారంగా మెడికల్ అడ్మిషన్స్ కల్పించేందుకు రాష్ర్టాలకు అవకాశం ఇవ్వాలని కోరింది. నీట్-యూజీ 2024 పరీక్షల్లో పేపర్ లీక్, తదితర అక్రమాలు జరిగినట్లు ఆరోపణలు వచ్చిన నేపథ్యంలో ముఖ్యమంత్రి సిద్ధరామయ్య నేతృత్వంలోని ప్రభుత్వం ఈ నిర్ణయం తీసుకుంది. ఈ బిల్లును శాసన సభలో ప్రవేశపెడతారు.