న్యూఢిల్లీ, అక్టోబర్ 28: ఐఐటీల్లో ప్రవేశాల కోసం వచ్చే ఏడాది నిర్వహించే జేఈఈ అడ్వాన్స్డ్ పరీక్షకు సిలబస్ మారింది. మొత్తం మూడు సబ్జెక్టుల (ఫిజిక్స్, కెమిస్ట్రీ, మ్యాథ్స్)కు జాయింట్ అడ్మిషన్స్ బాడీ (జేఏబీ) కొత్త సిలబస్ను రూపొందించి jeeadv.ac.in వెబ్సైట్లో ఉంచింది. ఇకపై జేఈఈ అడ్వాన్స్డ్లో మరిన్ని చాప్టర్లు ఉంటాయని, కొత్త సిలబస్ జేఈఈ మెయిన్కు అనుగుణంగా ఉంటుందని నిపుణులు చెప్తున్నారు. ఏటా జేఈఈమెయిన్ పరీక్షలో సత్తా చాటిన విద్యార్థులను జేఈఈ అడ్వాన్స్డ్ రాసేందుకు అనుమతిస్తున్నారు.