Loksabha Elections 2024 : బిహార్కు ప్రత్యేక హోదా అనేది తమ పాత డిమాండేనని జేడీ(యూ) బిహార్ చీఫ్ ఉమేష్ కుష్వహ స్పష్టం చేశారు. పట్నాలో గురువారం ఆయన విలేకరులతో మాట్లాడారు. ప్రజలు ఎన్డీయేకు అనుకూలంగా తీర్పు ఇచ్చారని అన్నారు.
తమ పార్టీ చీలిపోతుందని, కనుమరుగవుతుందని 17 నెలలుగా వాదిస్తున్న వారికి లోక్సభ ఎన్నికల్లో ప్రజలు ఇచ్చిన తీర్పు చెంపపెట్టుగా నిలిచిందని చెప్పారు. నితీష్ కుమార్ ప్రభుత్వం బిహార్లో నిరాటంకంగా సాగుతుందని తేల్చిచెప్పారు.
ప్రధాని నరేంద్ర మోదీయే తమ నేతని ఎన్డీయే ఇప్పటికే స్పష్టం చేసిందని చెప్పారు. మరోవైపు అగ్నివీర్, యూసీసీలపై జేడీ(యూ) అభ్యంతరం వ్యక్తం చేసింది. అగ్నివీర్ పధకంలో లోటుపాట్లను సరిదిద్దాలని, ఉమ్మడి పౌరస్మృతిపై ఏకాభిప్రాయం కోసం కసరత్తు సాగించాలని జేడీ(యూ) నేత త్యాగి పేర్కొన్నారు.
Read More :