Jairam Ramesh : 2024 లోక్సభ ఎన్నికల ఫలితాలు నరేంద్ర మోదీకి భారీ పరాజయాన్ని అందించాయని కాంగ్రెస్ సీనియర్ నేత జైరాం రమేష్ అన్నారు. ఆయన మూడింట ఓ వంతు ప్రధానమంత్రని, నరేంద్ర-నాయుడు-నితీష్ సర్కార్ అని ఎద్దేవా చేశారు. వారు సంకీర్ణ సర్కార్ను నడపలేరని పేర్కొన్నారు.
వారు కుర్చీ కోసం పాకులాడతారని, ప్రజాస్వామ్యం కోసం కాదని అన్నారు. ఇక తమ పోరాటం అధికారం కోసం కాదని, ఎవరు ప్రధాన మంత్రి అవుతారనేది ప్రాధాన్యతాంశం కాదని జైరాం రమేష్ పేర్కొన్నారు. తమ పోరాటం రాజ్యాంగాన్ని కాపాడేందుకేనని ఆయన స్పష్టం చేశారు.
కాగా, పార్లమెంట్ సెంట్రల్ హాల్లో శుక్రవారం జరిగిన ఎన్డీయే ఎంపీల భేటీలో నరేంద్ర మోదీని ఎన్డీయే పక్ష నేతగా ఏకగ్రీవంగా ఎన్నుకున్నారు. మోదీని ఎన్డీయే నేతగా రాజ్నాథ్ సింగ్ ప్రతిపాదించగా అమిత్ షా, నితిన్ గడ్కరీ, అజిత్ పవార్, చంద్రబాబు, నితీష్ కుమార్, కుమారస్వామి తదితరులు బలపరిచారు.
Read More :