న్యూఢిల్లీ, జూన్ 25: ఐఆర్సీటీసీలో వ్యక్తిగత అకౌంట్ ఉన్న వారు వేరే ఇంటి పేరు ఉన్న వారికి టికెట్లు బుక్ చేయడాన్ని నిషేధించినట్టు జరుగుతున్న ప్రచారం అబద్ధమని రైల్వే శాఖ అధికార ప్రతినిధి తెలిపారు.
ఈ ప్రచారంపై ‘ఎక్స్’ వేదికగా స్పష్టత ఇచ్చారు. వేరే ఇంటి పేర్లు ఉన్నప్పటికీ తమ మిత్రులు, బంధువులకు ఐఆర్సీటీసీలో వ్యక్తిగత అకౌంట్ కలిగిన వారు టికెట్లు బుక్ చేయవచ్చని పేర్కొన్నారు. వీరు నెలకు 12 టికెట్లు బుక్ చేయవచ్చని, ఆధార్ అథెంటికేషన్ అయిన అకౌంట్ కలిగి ఉంటే నెలకు 24 టికెట్ల వరకు బుక్ చేసుకోవచ్చని తెలిపారు.