Groundwater | హైదరాబాద్, జూలై 12 (స్పెషల్ టాస్క్ బ్యూరో, నమస్తే తెలంగాణ): ప్రపంచంలోని ప్రతీ నలుగురిలో ఒకరి దాహార్తిని తీర్చేది భూగర్భజలమే. అలాంటి ప్రాణజలం.. రానున్న కాలంలో గరళంగా మారనున్నది. వాతావరణ మార్పులు, భూకాలుష్యం, గ్లోబల్ వార్మింగ్ వెరసి 2,100నాటికి భూగర్భజలాల ఉష్ణోగ్రతలు 3.5 డిగ్రీల సెంటిగ్రేడ్ మేర పెరుగనున్నట్టు అంతర్జాతీయ పరిశోధకులు అంచనా వేశారు.
నీటిలో ఆక్సిజన్ స్థాయి తగ్గుముఖం పడుతుందని పైగా ప్రమాదకమైన క్రిములకు ఆ నీరు ఆవాసంగా మారుతుందని పేర్కొన్నారు. ఇది దాదాపు 60 కోట్ల మందిపై తీవ్ర ప్రభావం చూపించవచ్చని హెచ్చరిస్తున్నారు. ఈ వివరాలు ‘నేచర్ జియోసైన్స్’లో ప్రచురితమయ్యాయి.
ఆర్థిక వ్యవస్థపైనా ప్రభావం: భూగర్భ జలాలు వేడెక్కడంతో దేశాల ఆర్థిక వ్యవస్థలపై కూడా పెను ప్రభావం పడొచ్చని అంచనా వేస్తున్నారు. రసాయనాలతో కూడిన ఈ కలుషితమైన వేడి నీరు వ్యవసాయానికి, తయారీ రంగానికి, విద్యుదుత్పత్తికి ఏమేరకు పనికొస్తుందో కూడా అనుమానమేనని చెబుతున్నారు.