న్యూఢిల్లీ, డిసెంబర్ 31: భారత నౌకాదళం అరేబియా సముద్రంలో గస్తీని మరింత పెంచింది. ఎలాంటి పరిస్థితులనైనా ఎదుర్కోవడానికి యుద్ధ నౌకలతో సిద్ధమైంది. ఇటీవల మధ్య, ఉత్తర అరేబియా సముద్రంలో ప్రయాణిస్తున్న వాణిజ్య నౌకలపై తరచూ దాడులకు పాల్పడుతుండటంతో భారత్ సముద్ర గస్తీని పెంచింది. ఎర్రసముద్రంలో ప్రయాణిస్తున్న పలు వాణిజ్య నౌకలపై ఇరాన్ మద్దతు ఉన్న హౌతీ రెబల్స్ యెమెన్ భూభాగం నుంచి దాడులు చేశారు.
తాజాగా ది మెర్క్స్ హంగ్ఝూ అనే కంటైనర్ నౌకపై హౌతీలు ఎర్రసముద్రంలో క్షిపణి దాడి చేశారు. క్రమంగా వీరు తమ దాడులను అరేబియా సముద్రాని కి సైతం విస్తరించారు. దీంతో భారత నేవీ యుద్ధ నౌకలను మోహరించింది. అంతేకాకుండా సుదూర గస్తీ విమానాలతో పాటు రిమోట్ పైలెట్తో కూడిన ఎయిర్క్రాఫ్ట్ వ్యవస్థను కూడా ఏర్పాటు చేసి సముద్ర గస్తీని ముమ్మరం చేసింది.