న్యూఢిల్లీ, ఏప్రిల్ 21: దొంగతనాలు, మోసాలు, ఆర్థిక నేరాలకు పాల్పడుతూ ‘ఇండియన్ చార్లెస్ శోభరాజ్’గా ముద్రపడిన ధనిరామ్ మిట్టల్ (85) గుండెపోటుతో శనివారం మృతిచెందాడు. గత ఏడాదిగా అనారోగ్య సమస్యలతో బాధపడుతున్న అతడి మరణవార్తను మిట్టల్ కుమారుడు వెల్లడించాడు. న్యాయ విద్యను అభ్యసించిన ధనిరామ్ మిట్టల్ 1000కిపైగా కార్లను దొంగలించాడు. వందలసార్లు అరెస్టయ్యాడు. ఫోర్జరీ పత్రాలతో జడ్జిగా అవతారమెత్తి.. రెండు నెలలు కోర్టులో తీర్పులు చెప్పటం, 2000 మందికిపైగా నేరస్థులను జైలు నుంచి విడుదల చేయటం దేశవ్యాప్తంగా సంచలనం రేపింది. దీనికంటే ముందు ఫోర్జరీ పత్రాలను సృష్టించి, 1968 నుంచి 1974 వరకు రైల్వే స్టేషన్ మాస్టర్గా కూడా పనిచేశాడు.