న్యూఢిల్లీ: లోక్ సభ ఎన్నికల ఫలితాలు వెలువడిన నేపథ్యంలో ఇండియా కూటమి నేతలు ప్రభుత్వ ఏర్పాటు గురించి చర్చించబోతున్నారు. వీరంతా బుధవారం కాంగ్రెస్ అధ్యక్షుడు మల్లికార్జున ఖర్గే నివాసంలో సమావేశం కాబోతున్నారు. పాత మిత్ర పక్షాలైన జేడీయూ, టీడీపీలను తమ కూటమిలోకి మళ్లీ ఆహ్వానించడం గురించి వీరు చర్చిస్తారని సమాచారం. ఈ సమావేశానికి సోనియా గాంధీ, రాహుల్ గాంధీ, శరద్ వవార్, మమత బెనర్జీ, ఎంకే స్టాలిన్, చంపై సొరేన్, ఉద్ధవ్ థాకరే, అఖిలేశ్ యాదవ్, సీతారాం ఏచూరి, డీ రాజా తదితరులు హాజరవుతారని విశ్వసనీయ వర్గాలు తెలిపాయి.