Water Crisis : దేశ రాజధాని వాసులు తీవ్ర నీటి ఎద్దడిని ఎదుర్కొంటున్నారు. నీటి సంక్షోభంతో గత కొద్ది వారాలుగా ఇబ్బందులు ఎదుర్కొంటున్నారు. నీటి సమస్యను కేంద్రం చక్కదిద్దాలని కోరుతూ ఢిల్లీ మంత్రి, ఆప్ నేత అతిషి శుక్రవారం ఢిల్లీలో నిరవధిక నిరాహార దీక్ష చేపట్టారు.
కేంద్ర ప్రభుత్వం జోక్యం చేసుకుని నగర వాసుల నీటి కష్టాలను తీర్చాలని ఆమె డిమాండ్ చేస్తున్నారు. బీజేపీ పాలిత హరియాణ ప్రభుత్వం ఢిల్లీకి దక్కాల్సిన వాటా నీటిని విడుదల చేయడం లేదని ఆప్ ఆరోపిస్తోంది.
మరోవైపు జల జగడంతో ఆప్, బీజేపీ పరస్పర విమర్శలకు దిగుతున్నాయి. నగర ప్రజల నీటి సమస్యను ఢిల్లీ ప్రభుత్వమే పరిష్కరించాలని బీజేపీ ఎంపీ మనోజ్ తివారీ పేర్కొన్నారు. అతిషి తమ సొంత ప్రభుత్వంపైనే నిరసనలకు దిగారని వ్యాఖ్యానించారు.
Read More :
Nanammal | ఆసనాల అమ్మ నానమ్మల్.. జీవితమంతా యోగసాధనలోనే