న్యూఢిల్లీ : చీరకట్టుతో ఓ మహిళ వర్కవుట్లతో పాటు వెయిట్ లిఫ్టింగ్ను ఎంతో ఈజ్తో ఈజీగా చేసేసిన వీడియో నెట్టింట తెగ వైరలవుతోంది. ఫిట్నెస్ ప్రియురాలు రీనా సింగ్ తన ఇన్స్టాగ్రాంలో షేర్ చేసిన వర్కవుట్ వీడియో నెటిజన్లను ఆకట్టుకుంటోంది. ఈ క్లిప్లో రీనా పింక్ శారీ ధరించి వర్కవుట్లు చేయడం కనిపిస్తుంది.
ఈ వీడియోలో రీనా కేవలం కార్డియోనే కాకుండా వెయిట్ లిఫ్టింగ్, పుషప్స్తో పాటు తన ఫుల్ ఫిట్నెస్ రొటీన్ను పూర్తిచేస్తుంది. శారీతోనే ఆమె భారీ టైర్ను తలకెత్తుకుంటుంది. ఈ వీడియోను ఇప్పటివరకూ 3.3 కోట్ల మంది వీక్షించగా పలువురు రీనా ఫిట్నెస్కు ఫిదా అయ్యారు. శారీతో అంత పర్ఫెక్ట్గా వర్కవుట్లు ఎలా చేశారని పలువురు యూజర్లు ఆశ్చర్యపోయారు.
వావ్ ఇది అద్భుతం అని ఓ ఇన్స్టాగ్రాం యూజర్ రాసుకొచ్చారు. మీరు సరైన జిమ్వేర్ ధరించకుంటే గాయాలపాలయ్యే అవకాశం లేదా అని మరో యూజర్ ప్రశ్నించారు. గతంలోనూ ఆమె శారీతో వర్కవుట్ చేసిన వీడియోలను సోషల్ మీడియాలో షేర్ చేశారు.