IAS Ranjit Kumar | గాంధీనగర్, జూలై 23: తొమ్మిది నెలల క్రితం గ్యాంగ్స్టర్తో పారిపోయిన ఐఏఎస్ భార్య, మళ్లీ తన భర్త ఇంటి ముందుకు వచ్చి.. తనను ఇంట్లోకి రానివ్వాల్సిందిగా కోరింది. భర్త నిరాకరించటంతో.. ఇంటి బయట విషం తాగి ఆత్మహత్యాయత్నం చేసుకుని ఆదివారం మృతిచెందింది. ఈ ఘటన గుజరాత్ గాంధీనగర్ సెక్టార్-19లో చోటుచేసుకుంది. ప్రస్తుతం ‘గుజరాత్ ఎలక్ట్రిసిటి రెగ్యులేటరీ కమిషన్’ కార్యదర్శిగా పనిచేస్తున్న రంజిత్ కుమార్ భార్య సూర్య జే (45)పై తమిళనాడులో రెండు క్రిమినల్ కేసులున్నాయి.
ఆమె శవాన్ని తీసుకోవడానికి ఆ ఐఏఎస్ భర్త నిరాకరించారు. సూర్య జే, ఆమె ప్రియుడు (గ్యాంగ్స్టర్) ఇద్దరూ కలిసి ఓ బాలుడ్ని(14) కిడ్నాప్ చేశారన్న ఆరోపణలు ఉన్నాయి. శనివారం తన భర్త ఇంటికి రాగా, భర్త ఆమెను తన ఇంట్లోకి రానివ్వలేదు. దీంతో అతడి ఇంటి బయట విషం తాగి ఆమె ఆత్మహత్యకు పాల్పడిందని భర్త తరఫు న్యాయవాది చెబుతున్నారు. 2023లోనే వాళ్లిద్దరూ విడిపోయారని చెప్పారు.