Ambulance | చంఢీగఢ్, జనవరి 12: మన దేశంలోని రోడ్లపై గోతుల్లో పడి వాహనదారులు గాయపడ్డారనో, అప్పుడప్పుడు మరణించారనో వార్తలు చదువుతుంటాం. కానీ అలాంటి గోతిలో పడి కుదుపునకు లోనైన అంబులెన్స్లోని శవం ప్రాణం పోసుకుని లేచిన విచిత్ర ఘటన హర్యానాలో చోటుచేసుకుంది. రోడ్డుపై గొయ్యే తమ తాత ప్రాణాలను తిరిగి తెచ్చిందని అంబులెన్స్లో మృతదేహంతో పాటు వస్తున్న అతని మనుమడు సంబరపడుతూ తెలిపాడు. వివరాల్లోకి వెళితే… హర్యానాలోని కర్నల్లో నివసించే 80 ఏండ్ల దర్శన్ సింగ్కు అస్వస్థతగా ఉండటంతో పాటియాలలోని దవాఖానలో చేర్చారు.
నాలుగురోజులు వెంటిలేటర్పై చికిత్స అందించిన తర్వాత గురువారం అతను మరణించినట్టు డాక్టర్లు ప్రకటించడంతో అతని మృతదేహాన్ని అంబులెన్స్లో వేసుకుని అతని మనుమడు బల్వన్ గ్రామానికి బయలుదేరాడు. ఈలోగా గ్రామంలో దర్శన్ సింగ్ అంత్యక్రియలకు ఏర్పాట్లు చేస్తున్నారు. అంబులెన్స్ వస్తుండగా, దారిలో ఒక పెద్ద గోతిలో పడి కుదుపునకు గురవ్వడంతో దర్శన్సింగ్లో కదలిక కన్పించింది. దీంతో అతని మనుమడు వెంటనే దగ్గరలోని దవాఖానకు తరలించారు.