Hooch Tragedy : తమిళనాడులోని కళ్లకురిచిలో నాటుసారా ఘటనలో 56 మంది మరణించిన ఘటనపై ఎంకే స్టాలిన్ నేతృత్వంలోని పాలక డీఎంకే, కాంగ్రెస్ సర్కార్ లక్ష్యంగా కేంద్ర ఆర్ధిక మంత్రి నిర్మలా సీతారామన్ విమర్శలు గుప్పించారు. కల్తీ సారా తాగి దళితులు మరణిస్తుంటే కాంగ్రెస్ చీఫ్ మల్లికార్జున్ ఖర్గే, ఆ పార్టీ ఎంపీ రాహుల్ గాంధీ నోరు మెదపడం లేదని ఆమె చేసిన విమర్శలను కాంగ్రెస్ ఎంపీ కే. సురేష్ తోసిపుచ్చారు.
కల్తీ సారా ఘటనలు బీజేపీ పాలిత రాష్ట్రాల్లోనూ జరుగుతున్నాయని, ఆ సమయంలో ఆమె కళ్లు మూసుకుందని దుయ్యబట్టారు. ఆమె రాజకీయ విమర్శలకు కల్తీ సారా ఘటనను వేదికగా చేసుకున్నారని ఆరోపించారు. బీజేపీ పాలిత రాష్ట్రాల్లోనూ మద్యం మృతులు చోటు చేసుకున్నాయని, ఆయా రాష్ట్రాల్లో తమిళనాడు కంటే అధికంగా మరణాలు సంభవించాయని పేర్కొన్నారు.
అప్పట్లో పెదవివిప్పని కేంద్ర మంత్రి కళ్లకురిచి ఘటనపై మాత్రం కాంగ్రెస్ పార్టీపై, తమిళనాడు ప్రభుత్వంపై విమర్శలు గుప్పిస్తున్నారని మండిపడ్డారు. కాగా కల్తీ మద్యం ఘటనపై తాను విస్మయానికి గురయ్యానని పేర్కొన్న నిర్మలా సీతారామన్ రాష్ట్రంలో కల్తీ సారా ఏరులై పారుతుంటే పాలకులు ఏం చేస్తున్నారని డీఎంకే ప్రభుత్వాన్ని నిలదీశారు.
Read More :