Heart Attack | ఇండోర్, జూన్ 3: నృత్య ప్రదర్శన చేస్తుండగా ఓ వ్యక్తి గుండెపోటుకు గురై చనిపోయారు. ఈ ఘటన మధ్యప్రదేశ్లోని ఇండోర్లో చోటుచేసుకున్నది. గుమస్తానగర్ ప్రాంతంలో బల్బీర్సింగ్ ఛబ్రా (73) హాస్య ప్రదర్శన, బరువు తగ్గించే యోగా తరగతులను నిర్వహిస్తున్నారు. అందులో భాగంగా సోమవారం ఉదయం ఆర్మీ దుస్తులు ధరించిన ఛబ్రా.. ఓ గేయానికి జాతీయ పతాకం పట్టుకొని ప్రదర్శన ఇస్తుండగా, కుప్పకూలిపోయారు.
ప్రదర్శనలో లీనమై పడిపోయాడని భావించిన ప్రేక్షకులు కరతాళధ్వనులతో అభినందించారు. అయితే, ఛబ్రా ఎంతకీ లేకపోవడంతో అక్కడే ఉన్న వారు వచ్చి సీపీఆర్ చేసి ఆయనను హుటాహుటిన సమీప దవాఖానకు తరలించారు. అయితే, మార్గమధ్యంలో ఛబ్రా చనిపోయినట్టు వైద్యులు ధ్రువీకరించారు.