Loksabha Elections 2024 : దేశానికి స్వాతంత్రం లభించినప్పటి నుంచి ప్రజలను పేదలుగా కొనసాగిస్తూ వారిని ఓటు బ్యాంక్గా వాడుకునే సిద్ధాంతాన్ని కాంగ్రెస్ పార్టీ అనుసరించిందని హరియాణ సీఎం నాయబ్ సింగ్ సైనీ ఆరోపించారు.
ప్రజలు ప్రధాని నరేంద్ర మోదీ వెంట నడుస్తూ ఆయనను మరోసారి ప్రధానిని చేసేందుకు సిద్ధమయ్యారని పేర్కొన్నారు. విపక్షాలు అసత్యాలను ప్రచారం చేస్తూ దేశ ప్రజలను తప్పుదారి పట్టిస్తున్నారని దుయ్యబట్టారు. దేశ ప్రజల నైతిక స్థైర్యం దెబ్బతీసేందుకు వారు పూనుకున్నారని మండిపడ్డారు.
లోక్సభ ఎన్నికల్లో కాషాయ కూటమి ఘన విజయం సాధిస్తుందని ప్రధానిగా నరేంద్ర మోదీ మరోసారి అధికార పగ్గాలు చేపడతారని ఆయన ఆశాభావం వ్యక్తం చేశారు. విపక్ష ఇండియా కూటమికి ఎన్నికల్లో భంగపాటు తప్పదని జోస్యం చెప్పారు.
Read More :