గాంధీనగర్: గుజరాత్లోని ప్రభుత్వ ఉద్యోగులు ఇకపై జియో సిమ్నే వాడాలని ఆ రాష్ట్ర ప్రభుత్వం ఆదేశాలు జారీ చేసింది. ప్రభుత్వ ఉద్యోగులు వాడుతున్న వొడాఫోన్ ఐడియా స్థానంలో జియో నెట్వర్క్నే వినియోగించాలని చెప్పింది. ఉద్యోగులు ప్రస్తుతం వాడుతున్న ఫోన్ నంబర్ను మార్చనవసరం లేకుండానే పోర్టబిలిటీ ద్వారా జియో నెట్వర్క్లోకి మారనున్నారు. 12 ఏండ్ల పాటు సేవలందించిన వొడాఫోన్ స్థానంలో జియోను తీసుకువస్తున్నారు. జియో బేసిక్ ప్లాన్ ప్రకారం నెలవారీ అద్దె రూ.37.50గా నిర్ణయించారు. ఇన్కమింగ్, అవుట్ గోయింగ్ కాల్స్, నేషనల్ రోమింగ్ ఉచితం. ఎంపిక చేసిన ప్యాకేజీల ప్రకారం 4జీ, 5జీ డాటా చార్జీలు రూ.25 నుంచి రూ.125 వరకు ఉంటాయి.