కోల్కతా: కోల్కతాలో బంగ్లాదేశ్ ఎంపీ అన్వరుల్ అజీం అనర్ దారుణ హత్యకు బంగారం అక్రమ రవాణా ఓ కారణం అయి ఉండొచ్చని పశ్చిమ బెంగాల్ సీఐడీ అధికారులు శనివారం చెప్పారు. ఓ అమెరికన్ పౌరుడు ఆయనకు స్నేహితుడు, వ్యాపార భాగస్వామి అని తెలిపారు.
వీరిద్దరి మధ్య బంగారం అక్రమ రవాణా విషయంలో ఏర్పడిన ఘర్షణ ఈ దారుణానికి దారి తీసి ఉండవచ్చునని చెప్పారు. అనర్ మృతదేహాన్ని సుమారు 80 ముక్కలు చేసి, 12 రోజుల క్రితం వేర్వేరు చోట్ల పారేశారని, వాటిని గుర్తించడం అంత సులభం కాదని తెలిపారు. నిందితునితో కలిసి ఓ కాలువలో మృతదేహం భాగాల కోసం గాలిస్తున్నట్లుఅధికారులు తెలిపారు.