Gaurav Gogoi : నీట్ ప్రశ్నాపత్రం లీకేజ్ విషయంలో విచారణ జరిపించాలనే డిమాండ్పై బీజేపీ తీరు అత్యంత బాధ్యతారహితంగా ఉందని కాంగ్రెస్ ఎంపీ గౌరవ్ గగోయ్ అన్నారు. ఈ ఘటనపై సుప్రీంకోర్టు పర్యవేక్షణలో విచారణ చేపట్టాలని డిమాండ్ చేస్తున్నామని చెప్పారు. నీట్ ప్రశ్నాపత్నం లీకేజ్తో దేశవ్యాప్తంగా 24 లక్షల మంది విద్యార్ధులు నష్టపోయారని ఆందోళన వ్యక్తం చేశారు.
శిక్షణ నిమిత్తం కోచింగ్ సెంటర్లలో సాధారణ కుటుంబాలు సైతం లక్షలు వెచ్చించి ప్రభుత్వ నిర్వాకంతో దిక్కుతోచని స్ధితిలో పడిపోయారని అన్నారు. నీట్ స్కామ్పై దృష్టిసారించాల్సిన ప్రధాని మోదీ ప్రమాణ స్వీకార వేడుకలకు, విదేశాలకు వెళుతూ బిజీగా గడుపుతున్నారని ఎద్దేవా చేశారు. ఈ విద్యార్ధుల గోడును విపక్ష ఇండియా కూటమి తన బాధ్యతగా లేవనెత్తుతోందని చెప్పారు.
ఇండియా కూటమి బలంతో ఇప్పుడు ప్రభుత్వ మెడలు వంచి విద్యార్ధులకు న్యాయం చేసేలా వ్యవహరిస్తుందని స్పష్టం చేశారు. ఎన్నికల ఫలితాలు వెల్లడయ్యే జూన్ 4నే నీట్ రిజల్ట్స్ను ప్రభుత్వం వ్యూహాత్మకంగా వ్యవహరించిందని, వీటి ఫలితాలపై ఎవరూ చర్చించే అవకాశం లేకుండా ఉంటుందనే ప్రభుత్వం జూన్ 4న నీట్ రిజల్ట్స్ను ప్రకటించిందని దుయ్యబట్టారు.
Read More :
Hypertension | వ్యాయామం రెట్టింపు చేస్తే హై బీపీ రాదు!