భోపాల్, ఏప్రిల్ 23: ఎన్నికల పోలింగ్లో పెద్ద ఎత్తున పాల్గొనాలని కోరుతూ, మధ్యప్రదేశ్ ఇండోర్ నగరంలోని ఫుడ్ షాప్స్ యజమానులు ఓటర్లకు బంపర్ ఆఫర్ ప్రకటించారు. పోలింగ్ మొదలైన తొలి గంటల్లో ఓటేసేవారికి జిలేబీ, ఐస్క్రీమ్, అటుకుల ఉప్మా.. ఉచితంగా పంపిణీ చేస్తామని నగరంలోని ఆహార షాపుల యజమానులు తెలిపారు.
జిల్లా కలెక్టర్తో జరిగిన సమావేశం అనంతరం దుకాణాదారుల సంఘం మంగళవారం ఈ మేరకు ఓ ప్రకటన విడుదల చేసింది.