హిమత్నగర్: గుజరాత్లోని సబర్కాంతా జిల్లాలో చాందిపుర వైరస్ సోకి నలుగురు పిల్లలు మృతిచెందారు. మరో ఇద్దరు చిన్నారులు ప్రస్తుతం చికిత్స పొందుతున్నారు. హిమత్నగర్ జిల్లా కేంద్రంలోని సివిల్ ఆస్పత్రిలో చిన్నారులకు చికిత్స జరుగుతోంది. చాందిపురా వైరస్ కేసుల్లో జ్వరం లక్షణాలు కనిపిస్తాయి. ఆ వైరస్ సోకిన వారికి ఫ్లూ లాంటి లక్షణాలు కూడా ఉంటాయి. తీవ్ర స్థాయి ఇన్సెఫలైటిస్ కూడా వస్తుంది. దోమలు, పురుగుల ద్వారా ఆ వైరస్ వ్యాప్తి చెందుతుంది. ఆరుగురు చిన్నారులకు చెందిన రక్తపు నమోనాలను పుణెలోని నేషనల్ ఇన్స్టిట్యూట్ ఆఫ్ వైరాలజీకి పంపారు. ఆ శ్యాంపిళ్ల ఫలితాల కోసం ఎదురుచూస్తున్నట్లు సబర్కాంత జిల్లా ఆరోగ్యశాఖ అధికారి రాజ్ సుతారియా తెలిపారు.
జూలై పదో తేదీన నలుగురు చిన్నారులు చాందిపుర వైరస్ సోకి మృతిచెందినట్లు తొలుత హిమ్మత్నగర్ ఆస్పత్రి పీడియాట్రిక్ డాక్టర్లు అనుమానాలు వ్యక్తం చేశారు.అయితే ఆ పిల్లల లక్షణాలే మరో ఇద్దరిలో గమనించినట్లు చెప్పారు. చాందిపుర వైరస్ వల్ల మృతిచెందిన వారిలో ఒకరు సబర్ కాంత్ జిల్లా వాసి కాగా, ఇద్దరు ఆరావలి జిల్లా వాసులున్నారు. నాలుగవ చిన్నారి మాత్రం రాజస్తాన్కు చెందిన వ్యక్తి. ప్రస్తుతం చికిత్స పొందుతున్న ఇద్దరు కూడా రాజస్థానీయులే. రక్షణాత్మక చర్యల్లో భాగంగా ప్రభావిత ప్రాంతాల్లో రెక్కల పరుగులను చంపనున్నారు.