బెంగళూరు: బీజేపీ ఎంపీ, కేంద్ర మాజీ మంత్రి వీ శ్రీనివాస ప్రసాద్ (76) సోమవారం తుదిశ్వాస విడిచారు. ఆయన కొంత కాలంగా అనారోగ్యంతో ఓ ప్రైవేట్ దవాఖానలో చికిత్స పొందుతున్నారు. చామరాజ్ నగర్ లోక్సభ నియోజకవర్గం నుంచి ఆయన ఆరుసార్లు ఎంపీగా గెలిచారు. 1974లో ఆయన మొదటిసారి స్వతంత్ర అభ్యర్థిగా శాసనసభ ఎన్నికల్లో పోటీ చేశారు. 1976లో జనతా పార్టీలో చేరారు. 1999 నుంచి 2004 వరకు అప్పటి ప్రధాన మంత్రి అటల్ బిహారీ వాజ్పేయి మంత్రివర్గంలో వినియోగదారుల వ్యవహారాల శాఖ సహాయ మంత్రిగా పని చేశారు.