భోపాల్, జూలై 14: వివాదాస్పద తీర్పులతో వార్తల్లో నిలిచిన మధ్యప్రదేశ్ హైకోర్టు మాజీ జడ్జి రోహిత్ ఆర్య బీజేపీలో చేరారు. ఈ విషయాన్ని ఆదివారం ఆయన నిర్ధారించారు. పార్టీ చీఫ్ రాఘవేంద్ర శర్మ భోపాల్లోని పార్టీ కార్యాలయంలో ఆర్యను పార్టీలో చేర్చుకున్నారు. మూడు నెలల క్రితమే ఆర్య హైకోర్టు జడ్జీగా పదవీ విరమణ చేశారు. తీర్పుల సందర్భంగా ఆయన వివాదాస్పద వ్యాఖ్యలు చేసేవారు.
హిందూ దేవతలకేసులో స్టాండప్ కమెడియన్ మున్వర్ ఫారూఖీకి 2021లో బెయిల్ తిరస్కరించి వివాదాస్పద వ్యాఖ్యలు చేశారు. అలాగే లైంగిక వేధింపుల కేసులో బెయిల్ షరతుగా నిందితుడు బాధితురాలితో రాఖీ కట్టించుకోవాలని, ఆమెకు 11 వేలు బహుమతిగా ఇవ్వాలని 2020లో ఒక కేసులో ఆదేశించారు.