Road rage incident : కర్ణాటక రాజధాని బెంగళూరులోని రహదారులపై ట్రాఫిక్ రద్దీతోపాటు అవారాల ఆగడాలు కూడా పెరిగిపోతున్నాయి. నగరంలో ఇటీవల కొత్తగా నిర్మించిన డబుల్ డెక్కర్ ఫ్లైఓవర్పై అలాంటి మరో దౌర్జన్య ఘటన చోటుచేసుకుంది. ఐదుగురు యువకులు రెండు బైకులపై వెళ్తూ.. సాటి వాహనదారులను భయబ్రాంతులకు గురిచేశారు.
ఫ్లైఓవర్పై ఓ కారును వెంబడిస్తూ, కాలితో తంతూ, ఆ కారు డ్రైవర్ను దుర్భాషలాడుతూ హల్చల్ చేశారు. ఇష్టారీతిన బైకులను నడుపుతూ ప్రమాదకర స్టంట్స్ వేశారు. యువకులతో ఆరాచకం చూసి భయంతో పలువురు వాహనదారులు తమ వాహనాల వేగం తగ్గించుకున్నారు. అయితే కారును వెంబడిస్తూ యువకులు చేసిన దౌర్జన్యాన్ని వెనుక మరో కారులో వస్తున్న ప్రయాణికులు మొబైల్లో రికార్డు చేశారు.
ఆ వీడియోను సోషల్ మీడియాలో పోస్టు చేశారు. ఈ వీడియో ఇప్పుడు ఇంటర్నెట్లో చక్కెర్లు కొడుతోంది. యువకుల తీరుపై నెటిజన్లు తీవ్ర ఆగ్రహం వ్యక్తం చేస్తున్నారు. ఇలాంటి ఘటనలు మళ్లీమళ్లీ జరగకుండా ఉండాలంటే ఆ ఆకతాయిలపై కఠిన చర్యలు తీసుకోవాలని అంటున్నారు. ఇలాంటి వారికి భారీ జరిమానాలు విధించాలని కొందరు డిమాండ్ చేస్తున్నారు. కింది వీడియోలో ఆకతాయిల వీరంగాన్ని మీరు కూడా వీక్షించవచ్చు.
ಬೆಂಗಳೂರಿನಲ್ಲಿ ನಿಲ್ಲದ ಪುಂಡರ ವ್ಹೀಲಿಂಗ್ ಹಾವಳಿ..!@BlrCityPolice @blrcitytraffic @CPBlr pic.twitter.com/0y2atyuNKe
— Aditya Samarth (@aaditya_samarth) July 25, 2024