భువనేశ్వర్: బైక్పై వెళ్తున్న భార్యాభర్తలను ఐదుగురు వ్యక్తులు అడ్డుకున్నారు. భర్తను దారుణంగా కొట్టారు. భార్యను సమీపంలోని అటవీ ప్రాంతానికి లాక్కెళ్లి సామూహిక లైంగిక దాడికి పాల్పడ్డారు. (Gang Rape) ఒడిశాలోని ధెంకనల్ జిల్లాలో ఈ సంఘటన జరిగింది. భార్యాభర్తలు జాజ్పూర్ ప్రాంతానికి చెందిన వారు. అయితే చదువుకోసం భార్య భుబన్ ప్రాంతంలో ఉంటున్నది. అక్టోబర్ 21న ఆ వ్యక్తి తన భార్యను కలిశాడు. ఆ జంట బైక్పై తమ సొంతూరు బయలుదేరారు.
కాగా, సాయంత్రం సమయంలో ఐదుగురు వ్యక్తులు వారి బైక్ను అడ్డుకున్నారు. భర్తకు చెందిన మొబైల్ ఫోన్ లాక్కున్నారు. అతడ్ని తీవ్రంగా కొట్టారు. ఆ వ్యక్తి భార్యను సమీపంలోని అటవీ ప్రాంతానికి లాక్కెళ్లారు. అక్కడ సామూహిక అత్యాచారానికి పాల్పడ్డారు.
మరోవైపు బాధిత మహిళ స్థానిక పోలీస్ స్టేషన్లో ఫిర్యాదు చేసింది. దీంతో కేసు నమోదు చేసి దర్యాప్తు చేశారు. నిందితులు, వారు వినియోగించిన వాహనాలను గుర్తించడంతోపాటు ఇద్దరిని అదుపులోకి తీసుకున్నట్లు ఎస్పీ తెలిపారు. మిగతా నిందితులను అరెస్ట్ చేసేందుకు ప్రయత్నిస్తున్నట్లు వెల్లడించారు.