న్యూఢిల్లీ: ఉగ్రవాద అభియోగాలతో ప్రస్తుతం జైలులో విచారణ ఖైదీలుగా ఉన్న సిక్కు అతివాది అమృత్పాల్ సింగ్తోపాటు షేక్ అబ్దుల్ రషీద్ (ఇంజినీర్ రషీద్) తాజాగా ముగిసిన పార్లమెంట్ ఎన్నికల్లో విజేతలుగా నిలిచారు. వీరిలో అమృత్పాల్ సింగ్ పంజాబ్లోని ఖదూర్ సాహిబ్ నుంచి, ఇంజినీర్ రషీద్ జమ్ముకశ్మీర్లోని బారాముల్లా నుంచి లోక్సభకు ఎన్నికయ్యారు. వీరిని ప్రమాణానికి అనుమతిస్తారా?అన్న ప్రశ్నకు లోక్సభ మాజీ ప్రధాన కార్యదర్శి పీడీటీ ఆచారి వివరణ ఇస్తూ.. పార్లమెంట్ సభ్యునిగా ప్రమాణం చేయడం రాజ్యాంగ హక్కని.. కానీ, ప్రస్తుతం అమృత్పాల్, రషీద్ జైలులో ఉన్నందున ప్రమాణ స్వీకార నిమిత్తం పార్లమెంట్కు ఎస్కార్ట్తో వెళ్లేందుకు అధికారుల నుంచి తప్పనిసరిగా అనుమతి తీసుకోవాలని స్పష్టం చేశారు.