Bomb Threat | దేశ రాజధాని ఢిల్లీలోని ఇందిరా గాంధీ ఇంటర్నేషనల్ ఎయిర్పోర్ట్ నుంచి దుబాయ్ వెళ్తున్న (Dubai bound plane) విమానానికి బాంబు బెదిరింపులు (Bomb Threat) కలకలం సృష్టించాయి. సోమవారం ఉదయం 9:35 గంటల సమయంలో దుబాయ్కి వెళ్లేందుకు విమానం ఢిల్లీ ఎయిర్ఫోర్ట్లో సిద్ధంగా ఉంది.
మరికాసేపట్లో టేకాఫ్ అవుతుందనంగ.. ఢిల్లీ ఇంటర్నేషనల్ ఎయిర్ పోర్ట్ లిమిటెడ్ ఆఫీస్, ఐజీఐ (Indira Gandhi International Airport) ఎయిర్పోర్ట్కి విమానంలో బాంబు ఉందంటూ కొందరు వ్యక్తులు బెదిరింపు మెయిల్ పంపినట్లు ఢిల్లీ పోలీసులు (Delhi Police) మంగళవారం తెలిపారు. విమానంలో బాంబు ఉందంటూ మెయిల్ చేసినట్లు చెప్పారు. బెదిరింపు మెయిల్తో ప్రొటోకాల్ ప్రకారం.. విమానాన్ని క్షుణ్ణంగా తనిఖీ చేసినట్లు చెప్పారు. అయితే, తనిఖీల్లో ఎలాంటి పేలుడు పదార్థాలూ, అనుమానాస్పద వస్తువులూ కనిపించలేదని వెల్లడించారు. అది బూటకపు మెయిల్ అని పోలీసులు స్పష్టం చేశారు. ఈ మేరకు కేసు నమోదు చేసి దర్యాప్తు చేపట్టినట్లు వెల్లడించారు.
Also Read..
YS Jagan | ప్రజాస్వామ్యం అసలైన స్ఫూర్తిని కొనసాగించేందుకు మనం కూడా..: వైఎస్ జగన్
T20 World Cup: పూరన్ హిట్టింగ్.. 104 రన్స్ తేడాతో విండీస్ ఘన విజయం
NDA-INDIA Bloc | ఉభయులకూ భవిష్యత్తు సవాళ్లు