JP Nadda | పశ్చిమ బెంగాల్లో ఓ జంటపై జరిగిన దాడి వీడియో ప్రస్తుతం సంచలనంగా మారిన విషయం తెలిసిందే. ఈ ఘటనపై భారతీయ జనతా పార్టీ జాతీయ అధ్యక్షుడు జేపీ నడ్డా (JP Nadda) తాజాగా స్పందించారు. ఈ మేరకు పశ్చిమ బెంగాల్లో మమతా బెనర్జీ (Mamata Banerjee) ప్రభుత్వంపై తీవ్ర స్థాయిలో మండిపడ్డారు. దీదీ రాష్ట్రంలో మహిళలలు సురక్షితంగా లేరని వ్యాఖ్యానించారు.
పశ్చిమ బెంగాల్ నుంచి ఓ భయంకరమైన వీడియో వెలుగులోకి వచ్చిందన్నారు. మతం పేరుతో చేస్తున్న క్రూరత్వానికి ఈ ఘటన నిదర్శనమన్నారు. ఈ చర్యను వ్యతిరేకించకపోగా టీఎంసీ కేడర్, ఎమ్మెల్యేలు సమర్థిస్తున్నారని మండిపడ్డారు. సందేశ్ఖాలీ, ఉత్తర దినాజ్పూర్ ఇలా రాష్ట్రంలోని ఏ ప్రాంతంలోనూ మహిళలకు భద్రత లేదన్నారు. దీదీ పాలనలోని పశ్చిమ బెంగాల్ రాష్ట్రం మహిళలకు సురక్షితం కాదని (West Bengal Unsafe For Women) పేర్కొన్నారు. ఈ మేరకు సోమవారం ఉదయం ఎక్స్ వేదికగా ట్వీట్ చేశారు.
A horrific video has come to light from West Bengal, reminding of the brutalities that exist only in theocracies.
To make matters worse, the TMC cadre and MLAs are justifying the act.
Be it Sandeshkhali, Uttar Dinajpur or many other places, Didi’s West Bengal is UNSAFE for…
— Jagat Prakash Nadda (@JPNadda) July 1, 2024
పశ్చిమ బెంగాల్లో దారుణం చోటుచేసుకున్న విషయం తెలిసిందే. వివాహేతర సంబంధం పెట్టుకున్నారని ఆరోపిస్తూ ఓ జంటను కొంతమంది విచక్షణారహితంగా కొట్టారు. అధికార తృణమూల్ కాంగ్రెస్ పార్టీకి చెందిన స్థానిక నాయకుడు (TMC Leader) తాజ్ముల్ నడిరోడ్డుపై వారికి బహిరంగ శిక్ష విధించాడు. ఇద్దర్నీ రోడ్డుపై పడేసి చావబాదాడు. మహిళను జుట్టు పట్టుకొని కొట్టి, కిందపడేసి తన్నాడు. ఎంత వేడుకున్నా ఆ జంటను వదల్లేదు. ఈ అమానవీయ ఘటన ఉత్తర దినాజ్పూర్ జిల్లా చోప్రా పట్టణంలో చోటుచేసుకుంది.ఈ ఘటనకు సంబంధించిన వీడియో వైరల్గా మారింది. ఈ ఘటనపై పోలీసులు కేసు నమోదు చేశారు. టీఎంసీ నేతను అరెస్ట్ చేశారు.
Also Read..
LPG cylinder | మరోసారి తగ్గిన కమర్షియల్ గ్యాస్ సిలిండర్ ధర.. ఎంతంటే..?
Lok Sabha | పార్లమెంట్ సమావేశాలు ప్రారంభం.. భారత క్రికెట్ జట్టుకు అభినందనలు తెలిపిన లోక్సభ
Barbados | హరికేన్ ఎఫెక్ట్.. బార్బడోస్లోనే టీమ్ఇండియా